日本女生票选世界遗产级靓仔球星 C朗都係排第二?_A佳生活_申博真人百家家乐

当前位置:主页 > A佳生活 >日本女生票选世界遗产级靓仔球星 C朗都係排第二? >

日本女生票选世界遗产级靓仔球星 C朗都係排第二?

2020-07-14

浏览量:431

点赞:156

2018年世界盃在俄罗斯进行得如火如荼,今年赛事好睇在实力平均,强队唔一定赢硬,非强队一样有出色表现!不过对于好多女士来说,唔明「越位」咪唔明啰,反正都係睇靓仔球星啫!日本杂誌《ViVi》早前举行咗一个「世界遗产级靓仔球星」选举,不过地上最强C朗都只得第二?

【世界盃】日本女生票选世界遗产级靓仔球星11|基奥特(Olivier Giroud)

出生日期:(31歳)身高:192 cm国籍:法国位置:前锋法国型男基奥特拥有俊俏性感的样貌、模特儿般的身材,令佢一直都係广告商的宠儿。虽然基奥特被香港球迷戏称为「银河第一」(唱出嚟就会明白),但佢从英超球队阿仙奴转会到车路士持续交出好表现,试问呢个又好波,又靓仔的球星,女士们又点可以错过呢?

10|马高莱斯(Marco Reus)

出生日期:(29歳)身高:180 cm国籍:德国位置:翼锋

有唔少女网民都认为德国队根本係一支模特儿军团,而莱斯更是模特儿军团中的表表者!司职翼锋的莱斯BB除了靓仔外,亦是脚法、射术、速度兼备,可惜多年来经常受伤患困扰,曾经因伤被逼退出2014年世界盃及2016年欧洲国家盃。未知莱斯今年能否协助德国夺取佳绩?

9|尼马(Neymar Jr.)

出生日期:(26歳)身高:175 cm国籍:巴西位置:翼锋

贵为足球王国巴西现时的当家球星,相信小编唔需要多介绍边位係尼马,呢位巴西翼锋脚下功夫出众、花巧悦目,外表充满阳光气息,不过小编就觉得佢总係有种「MK」味道,依家仲整咗个被网民评为「意粉头」的髮型… 不过各花入各眼啦!

8|基沙文(Antoine Griezmann)

出生日期:(27歳)身高:174 cm国籍:法国位置:前锋

27岁的基沙文有齐典型法国美男子的特徵,棕髮、粗眉、蓝眼睛,无论係以前一头长髮定依家剪咗个平头装,都一样咁型仔!呢位法国当家球星在前线有极强威力,近年不断有多家豪门向其招手,但佢最终都係选择留效马德里体育会,靓仔又忠心!

7|武藤嘉纪

出生日期:(25歳)身高:178 cm国籍:日本位置:前锋

日本杂誌选举,好自然就有日本球星上榜啦!25岁前锋武藤嘉纪有着浓眉大眼,眉宇间带着自信,阳光笑容非常吸引,喺亚洲地区有超多女粉丝!不过女球迷们唔好意思啦,人哋已经有个靓靓老婆!

6|大岛僚太

出生日期:(25歳)身高:168 cm国籍:日本位置:中场

效力日本球队川崎前锋的大岛僚太,虽然喺今届世界盃并非必然正选,不过畀人感觉係个阳光大男孩,笑起来非常有亲切感。感觉贴地啲,唔似其他男神咁遥远,所以日本妹子特别喜欢?

N5|温拿臣(Rúnar Alex Rúnarsson)

出生日期:(23歳)身高:186 cm国籍:冰岛位置:门将

今届世界盃中,冰岛可谓一路奇兵,呢个人口只有33万的北欧小国首次参加世界盃就有出色表现,早前以一比一逼和劲旅阿根廷,夺得历史上第一分和第一个入球。除了第一场扑出美斯十二码的「导演」荷杜臣外,后备门将温拿臣原来都拥有超高颜值,好一个金髮美少年!

N4|柴崎岳

出生日期:(26歳)身高:175 cm国籍:日本位置:中场

去到第四位,日本妹子似乎都好支持自己人,26岁中场柴崎岳名列前茅,想必有其过人之处。不过比起其他球星,柴崎岳的外貌似乎就相对普通一点?反而柴崎岳嗰位靓靓未婚妻值得一提,佢同神剧《逃跑虽可耻但有用》女星真野惠里菜将于今年内注册结婚,爱情事业两得意!

日本女生票选世界遗产级靓仔球星 C朗都係排第二?

NN3|占士洛迪古斯(James Rodriguez)

出生日期:(26歳)身高:180 cm国籍:哥伦比亚位置:中场

基本上,任何咩靓仔球星榜都一定会有占士洛迪古斯的份,典型的南美洲阳光男孩,灿烂笑容与迷人眼神,令佢俘虏唔少女球迷;不过技术上乘的占士同样能俘虏男球迷的心,未知佢今届能否带领球队闯进十六强?

2|C朗拿度(Cristiano Ronaldo)

出生日期:(33歳)身高:185 cm国籍:葡萄牙位置:翼锋

葡萄牙翼锋C朗拿度,C朗呀嘛!当今世上最知名球星之一。当年士砵亭爱卖弄脚法的花巧小子,如今已经係球会及国家队的灵魂人物,年届33岁的C朗仍然保持极佳状态,早前面对西班牙时几乎以一人之力逼和对手,个人连入三球!生得靓仔又好波,仲要人品好热心公益,简直係legend!

日本女生票选世界遗产级靓仔球星 C朗都係排第二?1|保罗戴巴拿(Paulo Dybala)

出生日期:(23歳)身高:177 cm国籍:阿根廷位置:前锋

C朗都只屈居第二,因为第一名係来自阿根廷的保罗戴巴拿!年仅23岁的戴巴拿算係阿根廷近年少有的帅哥球员,五官标致,身形弗到漏,而且集技术、速度及创造力于一身,庆祝入球的招牌掩面姿势「Dybalamask」更令人津津乐道。可惜佢在国家队同老大哥美斯「撞位」,屈居后备居多,阿根廷现时出线危危乎,球迷都唔知仲有冇机会见到佢…

相关阅读